96 Joa Mennoniten in Mexiko

Fa junge Menschen mott maun aul sajen: Ver väle Joaren, damols, lang trij, kjeemen dee ieschte Mennoniten no Mexiko. Em Joa 1921 unjaschreef eene Delegation dee Papieren, daut Mennoni-ten no Mexiko kumen wullen en daut see met daut Jesatz envastonen wieren.
Det näakjste Joa, det Joa 1922, aum 6. Moatz fua dee ieschta Zug met mennonitische Siedla von Kanada los no Mexiko, en aum tweeden Moatz fua uck aul dee tweeda Zug los. Aum 8. Moatz kjeem een Zug, en aum 9. Moatz kjeem dee näaksta Zug en San Antonio de los Arenales aun. Atelje Joaren lota wort dee Numen von San Antonio de los Arenales no Cuauhtemoc jewachselt.
96 Joa. Daut es ne lange Tiet, en wäa wudd jedocht han, daut sikj daut gaunze Lewen so seeja vaändren wudd.
Daut es uba krakjt wuarom daut wichtig es, soon 8. Moatz aus Jedenkj-dach too fieren, om nijch too vajeten, woo daut ver väle Joaren wia en woo seeja sikj aules vaändat haft. Soo es daut bestemmt leijchta daut too schatzen, waut dee Elren un Grootelren jedoonen hant.
Daut jeft Menschen, dee jleewen, daut diss Jedanken soo wichtig es, daut dee 8. Moatz aus en Helljedach fa dee Mennoniten en Chihuahua jefiet woaren sull. En Dach, wann maun daut goode von ieschtemma betoonen wudd, om daut nicht too vajeten.

Marcar el enlace permanente.

Comentarios cerrados.