Bicycle foaren aus Kjoakjenaktivität

Det Wada aum Himmelfoats-donnadach wia seeja fein, paußend om buten waut too doonen. Dee Burwooldsche Kjoakj haud krakjt fe dissen Dach feschiednet jeplont un see hupten, daut det Wada paußend sennen wudd. Dee Wunsch jinj en Äarfellung.
See hauden aul toop aus Jemeend Meddach, un Nomeddach deeden see veschiedne Aktivitäten. Eent von det jratste wia det Bicycle foaren. Wäa emma doa wull, kunn met en Bicycle dee Rund von meist 21 Kilomeeta moaken. Von dee 135 Persoonen, waut doa loos fueren, kjeemen de mieschte gaunz romm, atelje sogoa tweemol.
Doa wieeren kjliene Kjinja, noch mau fief Joa, waut sikj daut äwaneemen, un daut gaunz romm mueken. Een Herman Neufeld fua sogoa met een Eenraud loos, un fua en gaunzet Kilomeeta. En poa fueren met Motocycles, wiels see Persoonen ut dee Familjie bejleiten un unjastetten wullen.
Dee Rutforderung wia dee Boach daut Eewa bie Rosenhof, Campo 104. Doa jeit daut tsimlich steil nopp. Daut es nich wiet, uba daut haft waut opp sikj, doa nopp too foaren. Wäa racht schaulten kunn, en uck noch dee Krauft haud, fua gaunz bat buwen, uba ieera Mol eena dee schoof det Bicycle doch en tsimeljet Enj. Rauf foaren jinj dann doafäa leicht, un bosich.
Disse Aktivität wia nich blooß fa Scheengones, uba uck om Jeld fe de Kjoakj too saumlen. En jieda, wäa doa metmuek, socht Unjastettung fe dee Kjoakj.

Eine Herausforderung war es über den Berg bei Campo 104 zu fahren. Doch wer es einmal bis oben geschaft hatte, konnte mit Schwung hinunter sausen.
Viele Personen, über 135, beteiligten sich am Fahrrad-fahren, angestellt von der Gemeinde zu Burwalde.
Fotos: Franz Friesen
Marcar el enlace permanente.

Comentarios cerrados.