Daut Coronavirus es ne Jripp, waut de gaunze Welt en Angst brinjt

Bie 100,000 Menschen send dit Joa von den Coronavirus krank jeworden, un bie 3000 von dee send jestorwen. Dee Virus kjeem en Wuhan, China em Schwung. Äwa de Halft von de Menschen, waut den Virus kjräjen, wia en dee Jäajend von Wuhan. Uba de latzte Wäakjen es daut Virus aul bat äwa 4 Lenda jekumen, uck bat de Stets un Brasilien. En Mexiko word, bat väaje Wäakj wenigstens, noch kjeen Faul jefungen.
Wuarom es daut Covid-19, so aus dit Virus uck jesacht woat, soo jefädlich? Wann uck mau dree Prozent von dee Menschen stoawen waut aum Covid-19 krank woaren, es dit doch en Virus, waut sich seeja vebreeden deit. De mieschte Menschen, waut jestorwen send, wieren oole Menschen, waut aul jesundheitliche Trubbels hauden. Uba krakjt endoont, daut Virus es fe aulem jefäadlich.
Doamet daut Coronavirus nich bosja vebreet woat, woaren Beziehungen unjabroaken. Jets fläjen doa nich han, Schäp derwen doa nich han foaren, Zueg woaren oppjehoolen.
Nich blooß, daut Menschen doa nich reisen kjennen, uba Fabrikjen kjennen nich meeja schaufen, wielst dee Oabeida tus bliewen motten. Dee Sachen kjeennen nich meeja jefiet woaren.
Dee gaunze Wirtschaft woat unjabroaken en lum jelacht.
Doa woat seeja aun jeobeit, ne Medizin too entwekjlen, met dee Menschen wuat dit Covid-19 hant, heelen kaun. Dee Unjascheed von dee Covid-19, oda Coronavirus, un ne Jripp, es woo, daut Virus oabeit. Daut Coronavirus es stoakj un jeit leicht enne Lungen nenn.
Opp dee Zeitunggseiten en disse Rundschau well wie Artikel äwa disse Krankeheit nennstallen, so aus dee en dee Zeitungen en Dietschlaund nennjestallt woaren.


Marcar el enlace permanente.

Comentarios cerrados.