Daut Kjarpsfast saul en dissem Joa jrata sennen aus em väajen Joa

Opp daut 6. Kjarpsfast saul meeja jeboden woaren aus opp dee väaje Kjarbsfasta. Aus jeweenlich, sellen doa dee groote Kjarps utjestalt woaren, veschiedne Moltieden un Seetjebacktet fekoft woaren, bie 10 Senjagruppen wellen doa oppträden und een Drama saul doa väajebrocht woaren.
Fe Aktivitäten saul dit Joa nich blooß dee Zug doa foaren, uba uck noch aundre Mäajlichkjeiten meeja sellen jeboden woaren.
Dit Joa saul ene Städ von dem grooten Pai ne groote Pizza jebackt woaren.
Waut dit Joa meeja sennen saul sent dee Utstahlungen. Doa saul meeja utjestalt woaren, beides, bennen em Gimnasio un uck buten. Uck well daut Komitee seenen, un Utroop auntoo-stalen.
Det Ziel es, dee Deelnäma meeja too beeden, uba uck om so väl Jeld aus mäajlich too saumlen, om dee veschiedne Heima too unjastetten. Dit Joa sent 6. Städen, waut unjastett woaren sellen. Daut sent dee Friedensplatz, Altersheim, Friedensheim Campo 93, Un Sueño Realizado (ne Städ en Cuauhtemoc wua vekräpelde Menschen schaufen kjennen) det Kjinjaheim en Tomochic, det Crread en Rubio toom buen und det Therapie Zenter Kilometer 14.
Dit Joa saul daut Kjarpsfast nich blooß Fridach un Sinuwent, uba uck Sindach stautfinjen, von 27. bat den 29. Septamba.

Marcar el enlace permanente.

Comentarios cerrados.