Dee Flugzeugabsturz hinjalat en grootet Loch en dee Lebenswasser Kjoakj

Dee Doot von Steve Wall woat en dee Lebenswasser Kjoakj en grootet Loch hinjaloten. Dit word opp sien Bejrafnes seeja toom Utdruck jebrocht. Een Rädna noom aundren betoond, waut vonne wichtje Roll Steve en dee Kjoakj jespäld haud. Hee wia butajeweenlich beguft, dee Kjoakj een Schwung too jäwen un em Schwung too hoolen.
Woo groot daut Loch fe dee Kjoakj sennen woat kaun eena noch nich weeten. Dee Leidasch woaren wieda de Jemeend wiedastallen un de Menschen met Gottes Wuet bedeenen, betoond Jacob Kornelsen, eena von dee Leidasch.
See hand ne stoakje Grupp Menschen un dee Kjoakjenoabeiden kloa enjedeelt. Det haud Steve met äant toop aul seeja oppjebut.
Doch opp det Bejrafnes word en poa Stund von Steve Wall sien Läwen un siene Leistungen vetald. Woo hee met siene Guwen de Jemeend oppjebut haud. Nu mot dee Jemeend seenen, woo see daut Loch fellen woaren, wäa dee Oabeiden aula doonen woat.
Met siene Internetbotschaften „Deepa Videos“ es hee en väle Lända bekaunt jeworden. Hee brocht kloare Botschaften, un fodddat fe ne entschiedne Noofolj opp. Hee wie seeja beguft em Räden, uba uck em Sinjen.
Väl jeit äwa Steve Wall sien Läwen too berechten, en kloa es, daut dee Lebenswasser Kjoakj groote Trachtstalungen moaken woat, von aul dee Oppguwen noo too kumen waut Steve Wall deed.
Sien Lebensverzeichnis es opp Sie 10 en dee Zeitungssieden too läsen.

Marcar el enlace permanente.

Comentarios cerrados.