Dee Jefangne em Jefenjnis von Cuauhtemoc äarhilden ver Wiehnachten ne Moltied

Pancho Wiebe aus der Colonia El Valle wurde am 16. Dezember tödlich angefahren, als er abends zusammen mit seinem Freund Edgar Bartsch, (Sohn von Edward Bartschen) auf einer Straße gingen. Obzwar die Straße beleuchtet war, hatte der Fahrer sie nicht zeitig gesehen und fuhr Pancho an. Er starb sofort an den Verletzungen. Pancho war der Sohn von Jacob und Anna Wiebe. Pancho hatte ein Alter von fast 18 Jahren.

Dit 4. Joa hinjainaunda word dee Jefangne von daut Cereso Jefenjnis ne Moltied too Wiehnachten von eene Grupp Mennoniten fäabereet. Fe dee Jefangne wia daut ne besondre Freid, daut see eenmol aula eene vollstendje Moltied kräjen. Dit Joa wie daut Discofleesch met Salsa un Guacamole, un dann noch in poa Kueken un eenen Aupel.
Em Jefenjnis send emma meeja Jefangne. Ver dree Joa wieeren doa in bät äwa 290 Jefangne, een Joa lota wieeren so bie 300, dann aune 2018 wieeren aul 320 un nu disse Wiehnachten wieeren doa aul 380.
Daut es emma wada ne eenmolje Äarfoarung den Deenst too doonen. Dit Joa feeld dee Grupp sich besondasch wellkum. Dee Oabeida un dee Jefangne wieeren behelplich wua see blooß kunnen.
Woo rannt soon Dach auf?
Dit Joa wia daut aum 19. Dezamba aus daut Äten jeboden word. Daut mot aules verhäa berät woaren. See velangen dee Aunfroag schreftlich met dee Numes von aul dee, waut sich doa em Jefenjnis bedeeljen un uck waut see met nenn nämen wellen fe dit Programm.
Aus dee Dach dann bat doa wia, fueren dee dree Frues waut daut Äten reeden wullen doahan. See neemen dee Discos met. Daut mot aules bie eene Däa aufjelot, waut see „Aduana“ nannen. Doa unjasakjen dee Aunjestalde daut un droagen daut en dee Kjäakj nenn. Dee Frues motten derch ne Kontroll derch, wua see äare Celulares, un aules aufjäwen motten, waut von Metol es.
En dee Kjäakj wieeren miere Oabeida waut fuets reed wieeren toom halpen. Daut Äten mot aula reiw metjenumen woaren, un doa em Jefenjnis jereet woaren. Daut dieet in Stoot, daut aula too reeden un en dee Discos too broden
Nomedach fueren dee Manna doa han un brochten in Programm. Too Clock 4:00 vesaumelden sich dee Jefangne buten opp den Basketbaulplautz. Daut wie beendruckend too seenen, dee äwa 300 Manna en greiwe Kjleedie, waut doa stunden un oppmoakjsam horchten waut jeboden word.
Too ieescht fetald Bram Siemens in Stotskje un äarkjläad, wuarom soont jedonen word, nämlich toom dee Jefangne dee Wiehnachtstiet too vescheenren un äant daut Jefeel jäwen, daut see nich vejätne Menschen send. Hee betoond dee Wichtikjeit von Hebräer 10 Varsch 24, wua daut oppfodat, eena den aundren aunspornen toom goodet doonen. Eena saul waut ve den aundren toom äwajen han.
Rolando Martens sung mieere Wiehnachtsleeda, un Abram Wiebe fetald sien Zeichnis. Hee fetald von sien Läwen, woo Jesus am von sien schlachtet Läwen hafd frie jemoakt un woo hee nu en dee Hupninj em Harrn läwen kaun.
Disse Wieed sullen dee Jefangne halpen, woo hee sien Läwen haud frie jemoakt un woo hee nu en dee Hupninj em Harrn läwen kaun.
Disse Wieed sullen dee Jefangne halpen, äa Läwen uck dem Harrn too äwajäwen.
No daut Programm von in bät äwa ne haulwe Stund jinjen dee Jefangne en äare Jebieda nenn. Doa send twee groote Jebieda. En jieda Jebied wonen bie 198 Manna. Doa word äant dann daut Äten servieet.
Waut oppfaulend wia, woo goot see sich oppstalden un woo aunstendich see wieeren. Eena haud werkjlich nich den Endruck daut dit Vebräakja wieeren.
Dee Grupp, waut dee Moltied doa hanbrocht wieren Abram und Neta Wiebe, Johan und Anna Neufeld, Bram und Ruth Siemens und Rolando Martens

Marcar el enlace permanente.

Comentarios cerrados.