Dee Mennoniten en Bolivien sent noch em Jefängnis

Daut scheen soo, aus wann dee Mennoniten, waut en daut Jefängnis Palmasola en Bolivien faust sent, noch ver Wiehnachten wudden rut jeloten woaren, doch es daut nijch passiet.
Dee acht Mennoniten worden aunjekloacht, en faschiedne Hiesa nenjegonen too sennen. Iescht sprayden see en Spray nenn, waut dee Menschen em Schlup hoolen sull. Soo wort jesajcht. Uba emma meeja Menschen jleewen, daut soont nijch mäajlich es. Soon Spray wudd uck dee em Schlup moaken, dee waut loota wudden nenn gonen. Woarschienlich jeft et soon Spray nijch mol. Emma meeja Menschen jleewen, daut Manna, waut Schwienarien bejinjen, sikj dit hant utjedocht, om äare äjne Schuld too fastäakjen.
Dit es, waut Hendrikj Brun von Ontario äwa WhattsApp wieda sajen deit. Hee sajcht, daut aul 3.5 Million Dola jetolt worden, om disse acht em Jefängnis too hoolen, en doa es noch meeja Jelt reed, wann daut fälen sull. Uba Brun sajcht, daut de Woarheit rutkumen woat. Daut es ne Froag von Tiet.

Marcar el Enlace permanente.

No se admiten más comentarios