Det Hoafst Volleyball-Fest fangt boold aun

Em Mai worden dee Finalspells vom Farjoasch Volleyball-Fest jespäld, un nu, den 24.August, fangt det Hoafst Turnier aun. Daut saul wada em Gimnasio von Blumenau, Kilomeeta 11, jespäld woaren. Doa woat Primera und Segunda Fuerza Jeläajenheit han, sich too bedeeljen. Peter Klassen, dee Väasettenda von det Turnier säd, daut hee wenscht, wann sich bie 20 Maunschauften enschriewen wudden.
Daut jeft Menschen waut doa wenschen, daut buten opp den Hof meeja Ordnung sennen wudd. Klassen säd, daut see aul meeja Mol doavon jeräd hauden, woo see dee Ordnung wudden vebätren kjennen, uba see weeten uck nich, woo see daut aum basten aunpacken. See aus Komitee hant aul väl Oabeit met daut Turnier too organisieren un em dreijen too hoolen, uba too doonen fält waut, jleeft hee.
Det Turnier saul bie 10 Wäakj aunhoolen.
Daut wudd interessaunt sennen, wann dee basta Spälasch von det Volleyball-Fest wudden jäajen dee Grupen von Paraguay, Belice un Kansas spälen

Marcar el enlace permanente.

Comentarios cerrados.