Dit Joa schient daut ne goode Arnt too jewen

Dee Arnt schient goot too sennen, uba auf dee Pries soo goot sennen woat, es en bät too betwiewlen.
Em August bleef dee Räajen en Tietlang ut. Daut scheen soo, aus wann daut ne schlajchte Arnt jewen wudd. Doch dann räajend daut miere Mol, un daut Jeackade vehold sikj un woss.
Nu, wann ekj disse Rundschau schriew, fangen dee Bueres noch mau soo rajcht aun dee Arnt nenn to brinjen. Doch aules diet doanoo han, daut et ne goode Arnt jewen woat. Dee Schwaut es dikj un breet, dee Schaubelräjen sit daut schmock ut.
Opp Städen es en bät väl Graus mang den Huwa, uba daut kunn opp Städen bie 100 Bunj vom Acka jewen.
Met de Schaublen hauden dee Bueres waut tweschen Steinreich un Campo 64B jeackat hauden daut Oajlekj, daut det doa medden Oktoba jefroaren haft. Doa woaren väl aunjefrorene Schaublen mang sennen.
De Korn schett dit Joa väl dolla aus tojoa. Daut jeft opp de mieschte Städen bie ne Tonn vom Acka meeja.
Bloß, woo sit daut met de Priesen ut?` Huwabunj woaren von 10 bat 20 Pesos det Bund billja aunjeboden aus tojoa, un de Schaublen kaun maun schlajcht vekjeepen. Doa sent noch Schaublen von tojoa enne Spikjasch.
Dee Korn haft toom Jlekj sienen fausten Pries, uck wann dee billja es aus de Bueres sikj wenschen wudden.

Marcar el enlace permanente.

Comentarios cerrados.