Een mennonitischa Jung moakt en aundren doot

Dieses ist Alex Neufeld, der am Sonntag den 3. März in Neuhorst (Nr. 13) getötet wurde.
(Lese Artikel, auf Seite 10).

Aun eenem Sindach, aus daut Wada fein wia, un aus Menschen enne Darpa bie Cuauhtemoc väl von dee Scheetarie en Rubio räden deeden, wua dee junga Herman Klosen too dood kjeem, passied en aundra truaje Faul. Een dietscha Jung spekjt en aundren met en Massa, daut dissa fuats storf.
Alex Niefeld wia met en poa Frind toop en Niehorst, Campo 13. Doa wia uck Joseph Milla. Doa wort en bät (oda seeja) romjespinnt. Alex säd waut too Joseph, waut dissa nich krajt vestonen kunn. Hee fua uba wajch doawäajens. Aus Alex en bät lota bat doa oppe Gauß kjeem, wua Joseph uck wia, räd Joseph am aun doavon, waut hee verhäa jesajcht haud.
Fuats fung en Jestried aun, dee Junges äara Nature stäjen aun. Alex wia äwens doanoo, daut nijch met en Jestried opp disse Wajch too räajlen, uba Joseph jreep am aun, un met eenst neem hee en Massa un spekjt am enne Brost. Alex un siene beid Frind wieren em Foatich. Sien Find, waut aum Stia wia, fua fuats no dee Cruz Roja von Low Farm, uba doa wia nuscht, waut too donen jinj. Alex wia fuats doot jewast.
Joseph wia von dee Städ wajch jefoaren, uba leet sich den näakjsten Dach faustnehmen. Hee es nu em Jefenjnis, un mot wachten, bat dee Rechta det Uedeel sprakjt, waut siene Struf sennen woat.
Alex es dee Sän von Jacob Niefelds. See wonden bie Kilomeeta 8 en dee Manitoba Kolonie. Sien Voda storf en bät äwa een Joa trij en dee Colonia El Valle. Lota trock siene Mami, no Campo 106.
Joseph es dee Sän von Jiet Millasch. See wonden en tietlang bie Kilomeeta 28 en dee Manitoba Kolonie, uba trocken lota no Nierenlaund. Sien Voda wond de latste Tiet en Tamaulipas.

Marcar el enlace permanente.

Comentarios cerrados.