Een oola Schoolbus woat wichtig

es dee Schoolbus, omjebut aus Wohnwoagen, woo Oabeida wohnden, aus see aunfungen en El Valle too schaufen.

Daut sent nu 25 Joa trij, aus daut Laund jekoft wort, waut vondoag dee El Valle Kolonie es. Uck wann daut Laund jekofft wia, un maun wisst, wooväl Laund en jiedra jekofft haud, wia daut doa wäajens nijch reed toom hantrakjen un schaufen. Doa mussten iescht mol Wäaj jemoakt woaren un aunjetäkjend woaren, woon Laund wem jehied.
Om disse Oabeiden too doonen, musst maun doa dann fa ne jewesse Tiet uck wohnen. Wielst daut ne heete Jäajend es, väl heeta aus dee Cuauhtemoc Jäajend, von wua dee Kjeepasch wieren, wullen dee Oabeida nijch bloß enn eenem Zelt wohnen. Ubraum Wieb koft sikj eene Schoolbus.
Hendrikj Siemens haud dee Bus, en 1966 GMC ut Kanada jehoolt. Dee wia aul aus een Wohnwoagen enjerecht. Dee haud en Uwen, Isschaup und sogoa en tweestockjed Bad. Dit wia eene jewenschte Wohnung fa doa oppe Stap. Ver de Bus word noch en Plon oppjestalt, un dee Wohnung wia foadijch.
Faschiedne Jeschijchte hant dee Oabeida too fetalen, wann see aun dee Äarfoarungen trij denkjen. Väle von dee Äarfoarungen sellen opp det 25 joasche Fast fetald woaren.
Daut Fast saul vom 21. bat den 23. Septamba en El Valle jefiet woaren.
Dee aunfangs 1990a. Joaren wia ne Tiet aus dee Mennoniten von dee Kolonien bei Cuauhtemoc aunfungen, groote Ländarien too kjeepen. Saladas, Camello, Buena Vista, Oasis und aundre Ländarien worden jekoft. Dee ieesch

Marcar el Enlace permanente.

Comentarios cerrados.