Endlich Räajen en Argentinien

Von 2 bat 3 Zoll räajend daut aum 8. bat 9. Moaz en El Tupa, Argentinien. Wiels daut doa seeja dräch un stoffich wia, freiden dee Menschen sich seeja fe den Räajen.
Foto: Jacob Neufeld

Aul lang hauden see no Räajen jeluet. En Siedamerika wia daut opp ne groote Plack seeja dräch. Von dee Medd Argentinien bat gaunz Wastparaguay bat en Bolivien nenn haft daut dit Joa tsimlich weinja jeräajend aus daut jeweenlich deit.
Doch vom 8. bat 10. Moaz räajend daut endlich en El Tupa, San Luis, un en dee gaunze Jäajend en Argentinien.
Fe den Korn kjeem dee Räajen noch seeja too pauß. Dee wia krakjt em voll-waußen aus daut aul aun Räakjen fäld. Uba noch kjeem dee Räajen seeja too pauß.
Väle Foarma en El Tupa hant uck Veeh. Fe de Veehweid kjeem dee Räajen uck seeja fe pauß.
Wieda Nueden, uck en Wastparaguay (Chaco) bleef dee Räajen uba doch noch wada ut.

Marcar el enlace permanente.

Comentarios cerrados.