Enns feistad den Reiba met en Baseball Bat rut

De latste Tiet worden miere Stuasch äwafollen en Jelt falangt. Jaunzes äa Stua en Blomenuat wort twee Mol äwafollen, een OXXO Stua bei Cuauhtemoc wort krajt soo äwafollen, en uck Kjnals Ennsen äa Stua aum Huachwajch wort bestohlen.
Jiedat Mol kjeem dee Reiba emm Stua nenn, hilt dee Person bie de Kauß ne Pistol fäa, en velangt daut Jelt. Daut musst emma seeja schwind jedonen woaren.
Maun haud den Vedocht auf daut vleicht nijch ne werkjliche Pistol sennen mucht.
Kjnals Enns docht, hee wudd daut riskieren. Hee haud bie dee Kauß en Basebaul Bat han jestalt, em Faul dee Reiba wada kumen wudd.. Dee Reiba kjeem uck werkjlich wada, miere Wäakjen loota aus det ieschte Mol. Hee hilt ne Pistol. Enns neem den Bat en funk fuats aun opp den Reiba rom too dujen.Hee troff am aune Haund, daut am dee Pistol wajch foll. Mett dem Faulen wia too hieren, daut daut ne Spältichs Pistol wia. Daut jeef Enns daut Fatruen, wieda too dujen, Dee Reiba vasocht bloß de Haund väa to holen, rand noch meist eenen Jung unja, en kleiwd dann ut, too dee Däa rut, doch dit Mol ohne Jelt, uba vleicht met ne dunkle Plack aune Hand, aum Oarm oda Schulla.

Marcar el Enlace permanente.

Comentarios cerrados.