Jewaultigkjeiten betraffen emma foakna uck Dietsche

En de latste twee Joa sent en Chihuahua weenikjstens 15 Dietsche entweda doot jemoakt worden oda see sent veschwungen, un maun weet nijch, waut met äant jeworden es. Atelje, waut veschwungen wieren, sent lota doot jefungen worden, uba von dee aundre befercht maun det oachste.
Aus so bie en tien Joa trij dee Jewaultätigkjeiten en Chihuahua in Juarez soo oajch worden un väl Menschen doot jemoakt worden, bleewen de Dietsche soo too sajen gaunz veschont, in soo uck dee näakjste Joaren. Dit haft sikj de latste poa Joa uba seeja veändat.
Dee Koloniesleidasch un Kjoakjen-leidasch froagen sikj seeja, waut maun doonen kaun, om dee Sejchaheit wada too vebätren. Dee Froag, waut emma wada oppkjemmt, es det wuarom. Wuarom jeft daut soo väl meeja Jewault, und wuarom passieren soo väl schlajchte Dinja.
In eene aundre Froag waut jestalt wort, auf dee Menschen sijch seeja jenuach mäjen, dee Sejchaheit vebätren too wellen.
En eene Zeitung en Dietschlaund schreewen see väaje Wäakj, daut kjeena von dee Präsidentenkaundidoten en Mexiko en kloaren Väaschlag hauden, woo see dee Sejchaheit en Mexiko vebätren wullen. See sajen ladje Wied, uba hant kjeene kloare Ideen, waut bewiesen, daut see weeten, waut too doonen fehlt, om dee Sejchaheit em Laund von Grund in Boddem too vebätren.

Marcar el enlace permanente.

Comentarios cerrados.