Kjoakjen un Kolonien wellen de Kjinjaheime met meeja methalpen

Dieses sind einige Vertreter der Kolonien und Gemeinden, die sich am zweiten Juni trafen, um gemeinsam von weiteren Mithelfen in den Heimen zu sprechen und zu planen.

Opp dee Sitzung, waut AIMAP met dee Veträda von dee Kjoakjen un Kolonien aum 2. Juni haud, word jefreacht, auf jewesse Heima met meeja Ätwoa sull unjastett woaren. Dee groote Mierheit stemmd doafäa.
Aus dee Väaschlagslist jemoakt word, wieren en daut Vida 180 Heim bei 30 Kjinja, uba see kjriejen noch nijcht meeja aus verhäa. En Werkjlichkeit sull äent 2.5 Mol soo väl jebrocht woaren. Dit jleewden dee Aunwesende opp dee Sitzung.
Opp dee Sitzung, waut em Kolonieshus en Low Farm aufjehoolen word, jeewen Veträda von dee 5 Heima jieda eenen Berecht von äa Heim. Dee Heima sent veschieden, uba daut wia kloa too hieren, daut dee Heima aula seeja needijch sent. Väle Kjinja un Äarwosene hant sest kjeene Städ, wua see wonen kjennen. En dee Heima hant see nijch bloß ne Krupunja uba doa lieren see seeja väl. Äant woat beliet un see kjennen lieren.
Denver Panna Veauntwuatlicha von Vida 180, sajcht, daut äa Ziel es, dee Kjinja soo too äartrakjen, daut see loota em Lewen irjends ne Oabeit doonen kjennen, atelje sogoa aus Unjawiets enne Schmäd oda Jeschaft.
Daut sent äwa 20 Kjoakjen un Kolonien, waut omzeijch Äten no dee fief Heima brinjen. Aunjefongen haft daut em Juli 2009, aus doa berät word, en twee Heima too halpen, nu sent daut aul fief Heima, waut pinkjlich ne Unjastetting kjriejen.

Marcar el enlace permanente.

Comentarios cerrados.