Lot die nicht hinja det Licht fieere

Väle Menschen sent hinja det Licht jefieet worden, oda es enjegruld worden, daut see Jeld tolden. Veschiedne Wäaj woaren jebruckt. De latste Monaten sent weinja Menschen doa nenn jefollen un weinja es jetolt worden. Uba dee Spetsbuben jreblen sich emma wada freschet ut, om Menschen Jeld auftoogonen.
Det Jesats loot Menschen en, wua see äant väahilden, woo see un äare Oabeida kjennen väabedocht sennen un nich doaropp nennfaulen. Eena saul sich nich engrulen looten uck nich waut enbillen loten. Toom Biespell:
Jeemaund font nom Jeschaft un sacht, daut doa en Pack fe daut Jeschaft es. Eena bruckt blooß noch dee Fracht (Flete) betolen, dann woaren see daut fuets scheckjen. Dee Wieet, oda dee Poatna haud daut soo bestald. Väle Menschen hant aul miere Dusend Pesos soo aus daut enjetolt, eeja see enworden, daut dit blooß en Aunjeschmäa wia.
Oda doa font wäa un sacht, hee es en Bekaunda, oda Vewaundta, un wel hankumen. Boold font hee, daut doa waut mank jekumen es, un daut am Jeld too liejen fält. Wäa daut jleeft un halpen well, es sien Jeld loos.
Oda doa woat jedreift, un enjegrult. Dann es det baste, blooß opptoohenjen.
En Wieet sull frie met de Oabeida räden un äant beroden, waut see doonen sellen, wann äant soont bejäajent.
Toop en Ploon moaken met dee Oabeida, daut see sich weeten.
Wann eena jefont woat, sull eena niemols persönliche Information rutjäwen. Kjeene Numes oda Nummasch. Uck nich, wann dee sajen, see sent von de Bank un doa stemmt waut nicht met de Räakjnung. Dann foa leewa no de Bank un unjasto die daut. Meist fe secha woat daut nich stemmen, waut dee jesacht hant.
Eena kaun nich too väasechtig sennen, un eena mot emma wada Mestrusch sennen, uck wann eenem daut meist nich good jenuech es.
_

Marcar el enlace permanente.

Comentarios cerrados.