Ne nieje Klinik met Spezialist-Doktasch

En dee Manitoba Kolonie word en dissem Monat ne nieje Klinik upjemoakt, dee Clinica Medica Giesbrecht.
En disse Klinik haft dee Dokta Jaime Giesbrecht sien Sprechzimmer. Hee es Familje Dokta. Uba butadem sent doa wenijstens acht Doktasch waut aula Spezialisten sent, waut hia Sprech-stunden (Consultas) jäwen wellen. Disse Spezialisten woaren doa nicht jie-da Dach sennen, wiels see von Chihua-hua sent, uba see woaren dann hia no disse Klinik kumen, wann daut fehlt.
Wäa met eent von dee Spezialisten doktren well, mot sich en disse Klinik malden. Wann dee Dokta dann bat hia kjemmt, kaun maun sich von dem Dokta unjasäkjen loten. Eena kaun soo aus dit met Doktasch ut Chihuahua doktren ohne bat dort foaren too motten.
En dee Clinica Medica Giesbrecht saul uck emma wäa sennen, wäa äwasaten kaun. Sproack bruckt hia nich en Probleem sennen.
En disse Klinik sent uck goot Apparaten waut en Dokta bruckt, om dee Unjasäkjungen goot moaken too kjennen. Dit es uck en groota Väadeel. Dee Doktasch kjennen ne väl bätre Oabeit doonen, wann see goode Apparate hant. Daut es wuarom Dokta Giesbrecht daut wichtig es, goode Apparats en dee Klinik too han

Marcar el enlace permanente.

Comentarios cerrados.