Nich opp Äarprassungen nennfaulen

Dee Organistation Ficosec stald en Informationstoopkumen äwa Sechaheit aun. See wullen han, daut de Dietsche soo goot aus mäajlich doa bie sennen wudden. See jleewen, daut väle Spetsbuben jleewen, daut see von de Dietsche leichta Jeld rutkjriejen, un dee leichta engrulen kjennen. Ficosec jleeft, wann de Dietsche bäta von soone Sachen omweeten wudden, wudd daut schwanda sennen, daut see opp soone Äarprassungen nennfaulen wudden.
Tweemol word dee Information en det Microtel Hotel väajebrocht. Eenmol wia een dietscha toohiera, det aundre Mol wieren weinja.
Ekj woa hie doahäa en poa Bemoakjungen oppschriewen, waut see väabrochten.
See stunden too, daut väle Menschen nicht sooracht Vetruen opp de Polizei haft. Uba dee Personen waut dit väabrochten, wieeren von dee Grupp, waut met Entfierungen schauft.
Em Joa 2009 worden en Chihuahua 140 Menschen entfieet und fe dee word Jeld velangt. Väle tolden, atelje worden doot jemoakt. En dem Joa word eene Grupp jeformt, waut sikj besondasch met Entfieerungen beschaftjen sull. 40 Manna un 20 Frues, aules jelieede Menschen. Utgangs 2010 fungen dee aun too schaufen.
Aune 2010 worden noch 130 Menschen enfieet, uba aun de 2011 wieren daut aul weinja, aul unja 100. Em foljenden Joa wieren daut noch 53, aun de 2013 wieren daut 33, en em Joa 2014 aul mau 10, krajt so aus em Joa 2018.
En strengret Jesatz un eene väl bätre Oabeit von dee Menschen, waut met Entfieerungen schauft wieeren dee jratste Uersachen fa disse Vebätrung.
See brucken dit aus en Biespell, daut Menschen op äant sullen Vetruen han, wielst see bewäsen han, daut see schaufen, un daut see festonen met soone Loagen omtoogonen.
Väle Entfiera sent faustjenumen worden, un hucken nu hinja de Sproten.
See äarkjläaden uck, woo eena weeten kaun, daut ne Entfierung ne schienboare Entfierung es. Dann grulen see wem äwa fon en, un schekjen dem wua han un dreiwen äwa phon. Soone wellen niemols han daut eena opphenjt, wiels see hant da kjeen Mensch. Wann daut ne werkelje Entfierung es, jäwen dee nich waut om daut rom, wiels see doa wem hant.
Soo jeewen see doa veschiedne Rotschläaj opp dee Informationsmiting, waut eenem halpen kaun, daut eena nich doarop nennfellt, wann se eenem wellen engrulen oda hinja det Licht fieeren.
Ficosec stald sikj doa uck väa. See sent ne Organisation von Bisied toopjestalt, waut nuscht von de Rejieerung aufhenjich es. See beeden aun, emsonst Menschen too scheckj too halpen, wann dee em Trubble sent. Doatoo sent see aunjestalt, uba nicht von de Rejierung. See halpen wann waut empfindlichet fält auntoomalden, soo aus Familje Trubbel, Entfierungen oda aundret.

Lic. Alonso Meraz und Ing. Ruby Rascon von der Abteilung, die mit Entführungsfällen arbeiten, erklärten, wie die Fiscalia mit solchen Fällen umgeht, und wie die Zahl der Entführungen im Estado Chihuahua schon drastisch zurückgegangen ist.
Ana Hernandez der Telephonlinie *2232 und Edgar Gonzales von Ficosec in Cuauhtemoc stellen ihre Dienste vor. Sie helfen Bürger mit Tramites bei der Fiscal Polizei, und versuchen zu helfen, wo Hilfe notwendig ist, auch mit Rat.
Marcar el enlace permanente.

Comentarios cerrados.