Onse Äarfoarung met Jeft em Goaden jeft ons Sorjen

Tojoa hauden dee Warm, dee Gallina Ciega, en onsem Goaden dee Jalmäaren un Ziplen seeja aunjefräten. Daut wenscht wie, wudd en dissem Joa nich passieren. Butadem jinjen ons waut Ieedbären Stieda doot. We fruegen doaropp en een Stua wua see Sachen fa den Goaden fekjeepen, waut see doaväa hauden.
See booden det Azteca Jeft aun. Daut bruckt eena mau eenen Dach wachten noom schedden noom jeften. See hauden daut selfst en Dinja nennjefellt, wua blooß dee Numen buwen wia, uba ohne Beschriewung. Aus goode Mennoniten jleewd wie äant daut.
Wie koften een Dinj voll un streiden daut opp waut Plaunten nopp. Den näckjsten Dach säd wie daut too eenen Frind, waut en een aundret Jeftjeschaft schauft. Hee vefieed sikj, daut wie soon strenjet Jeft jestreit hauden. Daut es soo jeftich, daut du en gaunzen Dach nich mol opp daut Flekj schaufen saust, wann du soont jestreit hast dann saust du 60 Doag wachten, bat du doavon äten deist. Wielst doa nuscht noppjeschräwen wia, aus wie daut Azteca Jeft koften, haud wie daut nich no läsen kunt. Uba goot, daut wie fuets den näakjsten Dach aul von en Frind jewoarnt worden.
Nu ha wie en feinet Flekj Tsiplen un Jalmäaren em Goaden, uba kjennen daut bet em Septamba nich jeneeten.
Dit Biespell bruck ekj, woo väasechtich eena sennen mott, waut eena jleeft. Wie wulen blooß soon Jeft waut den Mensch nuscht schoden deit, un nu hab wie krakjt det Jäajendeel jeschett. Toom Jlekj hab wie daut blooß opp ne kjliene Plack aunjewaund.
En stotstkje trij haud wie en bät Azteca, bie een Flekjskje Ieedbäaren jestreit, uck dee näakjste Doag waut Ieedbären doavon jejäten. Nu säden de Junges daut kjeena krank jeworden wia. Uba, von feschiedne Jefta saumelt sikj daut em Kjarpa, un dee Mensch woat väl lota krank, kjricht veleicht Kräft aus ne Folj von too väl Jeft un Fertileis em Kjarpa nennjekräajen han.
Oppaußen, seeja väasechticj sennen, mott eena met den Omgang vom Jeft.

Dieses Feld gelbe Rüben sieht sehr vielversprechend aus. Noch nie hatten wir ein solch gut aussehendes Feld gelbe Rüben. Damit die Würmer, wie Gallina Ciega, sie nicht verfressen sollen, fragten wir in einem Geschäft, ob sie etwas hatten, um das vorzubeugen. Sie boten uns Azteca an. Es war von ihnen selber verpackt, ohne irgendwelche Beschriftung Es sollte nicht sehr giftig sein. Nur einen Tag nach dem Streuen sollten wir nicht davon essen. Doch dann sagte ein Freund uns, man muss 60 Tage warten. Jetzt haben wir die schönen, gegifteten gelbe Rüben.
Marcar el enlace permanente.

Comentarios cerrados.