Pauß opp no diene Oabeida

Väle Mennoniten en Chihuahua hant Oabeida, un toom Jlekj hant dee mieschte Wiets noch nijch väl jesatzliche Schwierichkjeiten met de Oabeida jehaut.Uba daut kjemmt ema voakna väa, daut Oabeida vesäkjen, äaren Wiet Jeld auftoogonen. See säkjen no ne Jeläajenheit, äaren Wiet too fekloagen, besondasch wann see äare Oabeit velieren.
De foakende Kloag es, daut see onjerajcht aufjesajcht worden sent, oda daut see too weinijch Jeld jekräajen hant. See gonen no en Aunwault (Licenciado) un fetalen am äare Loag. Dee schrift doa waut opp, foaken seeja äwadrewen, un fakloacht den Wiet.
Paulina Casale haft det Oabeidajesatz studiet. See sajcht, daut det Jesatz väl leijchta den Oabeida biesteit aus den Wiet. Äare Oppgow es den Wiet too beroden, woo hee sitj aufsechren kaun. Doatoo mott hee schreftlichje Bewiesen han.
Det ieschte sull maun en Vetrag (Contrato) ütfellen un von Oabeida unjaschriewen loten. Doa mott kloa beschrewen woaren, waut den Oabeida siene Oabeitsstundenplon es, woneeja siene Meddachstiet es, woo väl Helljedoag hee kjricht, un soo wieda.
Bütadem sull dee Oabeida jieda Dach entäkjnen un uttäkjnen, wann hee too Oabeit kjemmt oda von de Oabeit jeit. Met dit kaun dee Wiet bewiesen, daut dee Oabeida dee Stunden jeschauft haft, waut opptowiesen jeit.
Det Jesatz velangt vom Wiet, aules schreftlich bewiesen too kjennen. Doafäa sull dee Wiet sich enstallen un sikj met aulem aufsechjren.
Wann du Froagen hast, kaust du Paulina Casale phonen. See kaun die krajt äarkjläaren, waut du doonen sust.

Marcar el enlace permanente.

Comentarios cerrados.