Sawatzkys hant ne goot entweckjelde Fabrikj

De latste Joaren hant väle Menschen en de Darpa Discos jekoft. Mie word jesacht, daut dee en ne dietsche Schmäd jemoakt worden, uba kjeena kunn mie sajen, wua. Schließlich säd mie een Frind, daut dee en Campo 55 jemoakt woaren. Ekj fua han, un äarwart ne nate Schmäd too finjen. Too ieescht haud ekj aul dee Information, daut dee Schmäd en Hauns Sawatzky jihieed.
Aus ekj opp den Hoff nopp fua, leet mie daut krakjt soo aus ekj mie daut väajestald haud. Ne nate Schmäd met waut Discos biem Engang. Doch dann jinj ekj nenn. Sawatzky bejreest mie un weeß mie dee Schmäd. Ekj kjeem utem Staunen nich rut. Ieescht wia dee Schmäd, wua hee aunjefangen haud met dem Schaufen. Dann haud hee eenen grooten Spikja aunjebut. Doa wieren aul groote spezielle Maschinen bennen met dee waut see faschiedne Oabeiden doonen. Dann hauden see uba aul noch eenmol groot aunjebut, wua see meeja Maschinen hauden. Dee Maschinen koften see jebruckt, en buden dee dann tracht fa waut äant dee fälden.
Un dann hauden see noch en wiedret Mol jebut. En diesem Aunbu buen see selfst Maschinen toom wiedafakjeepen, Plasma Cutters. Beendrucked waut Hans Sawatzky un sien Sän Johnny aul oppjebut hant. See moaken doa seeja väl meeja aus blooß Discos. See hant Bestallungen von dee groote Fabriken bie Neistädt en ut de Manitoba Kolonie.
Een Schups kjräch Sawatzky aus see wua wieeren. Dee Lied hauden en dennschalen Disco. Een Wind kjeem un pust den Disco wach.
„Daut jeitje nich, daut en Wind den Disco jrodsoo wajchpust“, docht Sawatzky, un boold mueck hee en Disco waut schwanda es, un wua daut nich soo leicht aunbrennt aus en väle Discos. Disse Discos vekjaft hee en Mexiko, uba uck enne Stets un Kanada.

Solche Discos hat Hans Sawatzky schon viele hergestellt. Sie werden nicht nur in Mexiko, aber auch in den USA und Kanada verkauft.
Marcar el enlace permanente.

Comentarios cerrados.