Scheene Tieden opp daut 2. Paraguaya-Traffen

Meist 90 Personen wieren aum 4. Oktoba no det Gimnasio en El Valle jekumen, om det tweede Paraguaya-Traffen bietoowohnen.
Vermeddach wurd mieschtens spazieet. Frind von wiet en breet troffen sikj un fetalden, waut see beläft un jedonen hauden.Meddach wurd von mexikaunische Ätenmoakasch fekofft. See hauden scheene Tacos al Pastor, Hamburger un jebackte Ätschocken. Daut schmakjt seeja scheen. Leida neemen see zimlich dia, uba so aus dit hauden dee Veaunstaulta daut nijch soo drock.
Wann dee Paraguaya toop sent, woat uba meeja jedonen aus spazieet, jejäten un Sot jeknackt. Doo woat noch jesungen, ne Wuatbetrachtung aunjehieet un Spoß jehaut.
Auf ne Buddle oppem Kopp droagen, seenen wäa waut besondret aun sikj haud, Piñata twei schlonen oda sest waut, uba väl Aufwajchslung jeft daut doa.
Ubraum Jinta von Buena Vista un siene Familje hant sikj jemäjcht, daut Trafen mäajlich too moaken. Bram Siemens un siene Familje vesochten, am in dem Traffen aunstahlen too unjastetten. See feelden sikj good äwa dee scheene Tied, waut dee Deelnehma doa hauden.
Det näakjste Mol woat daut woarschienlich nijch en Paraguaya-Traffen sennen, uba een Siedamerikauna Traffen. Daut meent, dee Paraguaya, Boliviana, Kolumbiana, Argentina, Peruana en aundre met äare Frind wudden uck enjelot sennen.

Marcar el enlace permanente.

Comentarios cerrados.