Scheewe Foatia – noch nicht tusmoaken

Doa es de latste Tiet väl doavon jeräd worden, daut dit mol fält, dee Foatia, waut illegal (scheef) en Mexiko sent, tustomoaken. Daut es sess noanich soo oach aus en Chihuahua, und doa sent schienboa äwa 30,000 Foatia. Fe dise Foatia woat kjeene Opploag, kjeen Tax un uck nuscht aundret aun dee Rejierung jetolt. Wäa doa ne Ennum von dee Foatia haft send dee Schmäden un Tankstäden.
Fe ne bätre Ordnung opp dee Wäaj wudd daut uck bäta sennen, wann dee aula Placas hauden. Aules schient doa no hantoodieden, daut de Rejierung dee Foatia mol wudd wellen Tus moaken.
Nich soo schwind, säd Patty Terrazas, waut Diputada fe dee Cuauhtemoc Jäajend es. Daut haft väl meeja opp sikj aus eena jleeft, meend Terrazas. Doa mot secha jemoakt, daut kjeent von dee Foatia en jestolnet Foatich es. Doa mot no jekjikjt, daut nich oolet Schunt häa jebrocht woat, waut ne Jefoa opp dee Wäaj bedieden deit. Dee Foatiafabrikjen kunnen Oabeit verlieeren, wann dee scheewe Foatia em gaunzen Laund legal wudden Foaren kjennen.
Soo haud Terrazas noch meeja Argumenten, wuarom see jleeft, daut dit em Korten noch nuscht doonen woat met de scheewe Foatia tusmoaken.
Enne Tweschentied foaren Menschen met dee, endoont woo oolt dee sent, endoont auf dee jestolen sent, endoont auf dee Wieets von dee Foatiafabrikjen daut em Stich es. See foaren.

Marcar el enlace permanente.

Comentarios cerrados.