Seeja väl Menschen fabrinjen ne scheene Tiet opp en Schepp

De latste Tiet fabrinjen emma meeja Menschen eent bat twee Wäakj opp en Krus-Schepp. Opp soon Schepp woat aulet, mäajelje jeboden. Doa sent en deel Restaurants, Bodplatza, Wotarutschen, Stowen wua Senja en Redna opptreden, Steden om Excercise too doonen, en aulet mäajelje meeja.
Soone Krus-Schepps foaren von eene Städ no de aundre. Foaken es daut Schepp de Nacht hinjawäajens, en äwadach es daut opp eene Städ, wua dee Menschen aum Laund gonen. Manchmol es daut Schepp en poa Doag hinjawäajens eeja daut wua aunlajcht.
Tojoa, aune 2017, kjeemen 2,545 soone Krus-Schep bat Mexiko. Aules toop wieren daut 7,284,000 Menschen, waut opp disse Wies no Mexiko kjeemen.
Dee Schep sent unjascheetlich groot, doa sent soone Schep waut äwa 5000 Passagiere met hant.
Weltwiet wieren daut äwa 25 Million Menschen, waut tojoa met en Krus-Schepp metfuaren, doavon wieren 60 Prozent üte Stets. 20 Prozent von dee Menschen üte Stets sent aul met en Krus-Schepp metjefoaren.

Marcar el enlace permanente.

Comentarios cerrados.