SIM von Casas Grandes es ne besondres Städ fa Mennoniten

Auf jemaund Bäkja toom lesen liejen well, oda auf am Schoolbäkja fehlen, von SIM kaun maun dee äarhoolen. Oda wann du jebruckte Kjleeda oda sestwaut kjeepen west, see hant dee.
Fehlt die en Kontakt met irjends waut Jesatzlichet oda wäajen Haundel, George Froese kaun die doamet halpen.
SIM bediet Servicios Integrales Menoniten, un meent eenfach Vollständje Bedeenung von oda fa Mennoniten. George Froese haft nu aul fief Joa fa SIM jeschauft, un sajcht, daut SIM fa dee Kolonien en seeja grooten Senn moakt. Dee Kolonien sent en äare Jäajend seeja vestreit. Casas Grandes es en seeja naturlicha Traffpunkt fa äant.
Daut es wuarom see en det nieje Jebied nijch bloß eenen Rum fa jebruckte Sachen un eenen fa Bäkja hant, uba see hant uck eene Städ wua maun sikj eenfach bloß hansaten un spazieren kaun.
Butadem wellen see doa noch eene groote Stow enrejchten, wua so bie Hundat Menschen sellen Plautz han, wann mol waut to ne jratre Grupp erkjläat woaren saul.
Noch es daut nieje Jebied nijch foadijch, uba see hupen, daut dee Jeläjenheit doatoo toop kumen woaren un daut see dann aules foadijch moaken kjennen. See sent von Gowen aufhänjijch un motten doahäa seenen, wo jejäft woat.

Marcar el Enlace permanente.

Comentarios cerrados.