Twee Doag enne Boaj äwaläwen

Twee Doag enne Boaj äwaläwen es ne Rutforderung, met weinich too äwaläwen. Utgangs Septamba mueck eene Grupp von 11 Junges en Manna soon Äwaläwungscamp. See fueren no de Boaj bie Campo 93, un jinjen en dee Boaj nenn. See durwen mau weinich met nämen. Toom äten blooß in Haulf Lita Dinkj voll. Auf Ries oda Peanutsbotta oda sestwaut.
See deelden sich en twee Gruppen, enne von fief un eene von sas Personen. Jieda Grupp haud in bät waut met. Een Grupkje, en bät Baund, eene Feschangel, un soo en poa Kjlienichkjeiten meeja, so aus dree Schwäwel. Toom schlupen kunnen se ne Dakj oda in Schlupsack.
Met meist nuscht läwen es ne Rutforderung. Dann denkjt eena boold aun daut scheene Äten, waut eena tus haft, uck daut feine Hus.
Jake Teichroeb in Jake Fehr stalden dissen Äwaläwungscamp (Survival Camp) aun. Äant jeit daut scheen, veschiednet enne Natua too doonen. Wann see daut soo aus dit doonen, woat eena en, woo veloaren eena sennen kaun, wann eene ut dit jemietelje Hus rutkjemmt, in von daut aufheinjich es, waut de Natua beeden deit.
Uba eena kaun doabie de Natua bewundren un seenen woo aules läft und wiedakjemmt, ohne den Mensch siene Kjanntnis.
Met dee Angel kunnen see noch in poa kjliene Fesch jriepen. Dit jeef äant ne seeja scheene Feschsupp. Den Ries schedden see aula toop. Daut jeef in kjlienet Grupkje voll. Eene Sort wia goa, ne aundre noch gaunz hoat, uba daut schmakjt seeja scheen.
See eeten weinich, uba daut räkjt too toom äwaläwen. See wieeren sich aula eenich, näakjstens wada soont too doonen, wann see ne Jeläajenheit wudden han. *

Marcar el enlace permanente.

Comentarios cerrados.