Waut helst du von Plautdietsch en dee Rundschau

Wann maun Plautdietsch schrift, späat sikj dee Unjascheet met Huachdietsch doch zimlich groot. Wie hant nu aul miere Monate dee Sied „Unja ons“ opp Plautdietsch en dee Rundschau nennjestalt. Nu se wie nieschiarich, auf dee Sied uck jelest woat en auf dee Lesasch daut waut schatzen, daut wie disse Sied opp Plautdietsch nennstallen.
Eeja wie doamet aunfungen, disse Sied too schriewen, meenden äwa 79 Prozent von dee Menschen, waut äare Meenung säden, daut see daut aus ne goode Idee fungen. Uba woo sit et nu ut, wann jie dee Sied aul miere Mol hant lesen kunt. Jleew jie daut et ne goode Idee es, en wudd jie daut gleichen daut dee Sied blift?
Schekj diene Meenung no dee Celular Numme 625-130-0200. Wie sent interessiet too weeten, waut je doavon hoolen. Plautdietsch es je onse jerädne Sproak, uba noch es daut zimlich framd, Plautdietsch too schriewen.
Wann wie wieda disse plautdietsche Sied hand, wudd wie uck aunfangen jewesse Schriewräajlen nenntostallen. Dee Menschen schriewen Plautdietsch so seeja faschieden, en daut moakt daut Lesen väl schwanda. Uba daut jeft aul, väle Räajlen, woo maun Plautdietsch rajcht schriewen sull.
Wie wudden ons freijen, wann du diene Meenung nu ver den 20. Jauniwao nennschekjen wurscht.

Marcar el Enlace permanente.

No se admiten más comentarios