Wellje Helpasch

De latste poa Wäakj hant Menschen mie eent nom aundren Mol äwarauscht met äare Wellijchkjeit too halpen. Aus wie det Kjarpsfast plonden, word wie enn, daut dit un jant noch too doonen fehld.
Doa fehld Äten too moaken, Steela toop jehoolt, met Äten too bedeenen, aules reed too moaken fa dee Sänjagruppen, dee Sänjagruppen selfst mussten wellens sennen too sinjen, un so eene Oabeit oda Deenst no de aundre kjeem op, un soo een friewellja noom aundren säd too. Menschen booden sikj sogoa aun too halpen.
Un dann kjeem noch dee Idee von Postres von Appel too moaken, oam meeja Ideen toom Appel vebrucken too jewen. Daut dieed nijch lang, in 20 Personen hauden toojesajcht.
Aus wie tooptalden, wooväl Menschen friewellijch opp det Kjarpsfast methalpen, auf met sinjen, bedeenen, Äten moaken oda waut emma, kjeem wie bat äwa 150 Menschen. Daut es en Dank wieet. Eena noom aundren säd, see deeden daut, wielst äant daut scheen jeit, opp ne Städ met toohalpfen, waut aundre halpen saul.
Auf Kjinjaheima halpen oda eensaume Menschen ne Städ beeden, wua see en scheenen Tiet kjennen han, daut es waut äant interessiet.
Daut es kloa too seenen, Menschen hant waut toom äwajen. Soon Deenst vebinjt, moakt Frindschaften, un jeft Jeläajenheiten dem Harrn too deenen.

Marcar el enlace permanente.

Comentarios cerrados.